周圍都係，周圍都係，地鐵站又係你，巴士站又係你，搞到我哋避都冇得避。聽到black Mirror呢首歌，
各位鏡粉，各位前夫，聽到呢幾句，唔好即刻咁激動住，雖然我哋知道近排因為演唱會事件，大家都議論紛紛，有個群組會永久關閉，以作抗議。不論支持者又好，前夫們都好，都異常激動。但據我哋所知，mirror好似都仲未有賣MPF廣告住，所以今次唔講佢哋住，今次想講嘅係AIA新一輯嘅MPF廣告，你行出街就一定見到嘅，真係要講多次，周圍都係，周圍都係。
睇一睇返原來AIA上一次賣MPF廣告，竟然係2015年嘅時候。當時有一系列嘅廣告，提醒大家要提早準備退休，當時仲推出咗一個叫做RQ退休商數，做一做個小測驗，等你知道自己有冇為退休做好準備。大家可能唔講都已經唔記得果一系列嘅廣告，個系列中有唔同嘅單元短片，除咗有杜如風之外，其中仲有搵咗王宗堯同埋周家怡來扮演一對夫妻。「有冇諗過其實你有得揀」。片中既一句說話，通過兩個例子對比，來講出年輕時掛住呀使錢享樂，同埋年青時就投資，準備老來退休。
係準備資料時，見到王宗堯同周家怡拍嘅廣告，不禁一睇再睇，真係唔知幾時先再可以喺大電視，大公司既廣告內再見到佢哋。再提一提大家當時係2015年，之後發生咩事，我估大家都唔使再多講，如果今日AIA夠膽再搵返王宗堯來拍廣告，唔理拍出來結果係點，如果真係拍，淨係呢份膽識，都贏盡掌聲。
講返AIA MPF，喺2015年拍完嗰一輯廣告之後，就好似入咗雪櫃咁，一直冇再出廣告，無出贊助，好似喺公眾眼前消失咗咁。呢幾年黎，唔知係咪因為怕羞，覺得自己表現唔好，唔想俾人提起，定係佢潛伏左幾年就係等一個機會呢？
終於今年等到啦，機會嚟啦！2021年AIA表現一啲都唔失禮。終於可以拍廣告啦！
話晒都係打開門做生意，喺搵廣告主角方面公司管理層當然就唔會去到咁盡啦，今次就搵咗人人都鍾意嘅軒公，張敬軒嚟拍一系列嘅廣告。
張敬軒鍾意有時扮吓男人，有時扮吓女人，有時扮吓後生有時扮吓老人，搞到唔理男人女人，老人後生都鍾意佢。係佢剛剛慶祝出道20年既演唱會，嘅表演嘉賓名單中，就可以見到佢人緣廣闊，涵蓋老中青幾代。最貼切嘅形容，應該係藍奕邦做嘉賓是嘅一句評論：「冇忘本」。
喺執廣告中， 軒公有四個造型，帶出AIA強積金嘅4個賣點。
首先，軒公打扮到成個速遞員咁，就同大家講AIA MPF 2021年整體強積金基金平均回報No.1。呢個係勁呀！
廣告中宣傳嘅就話佢喺2021年嘅平均回報係最好，佢喺注釋中都有講到佢個平均回報係點計，但唔計平均回報，指睇過別基金，
AIA MPF 係2021年個別嘅基金既表現都十分出眾。我哋之前有片都講過，佢多隻基金係各自嘅組別入邊都係排名頭嗰幾位，好似喺2021年，AIA隻綠色退休基金就係環球股票類別內排名第一，佢着亞洲股票基金就喺亞太（日本除外）類別內排名第一，北美股票基金就喺美國股票內排名第一，歐洲股票基金就喺類別內排名第二，僅次於宏利嗰隻歐洲股票基金。
港元基金回報勁，跟住再講嘅就係成員嘅回報率，我哋見到佢有講超過99%成員有正回報，見到呢樣，我哋醫務室有啲嘢想講。
99%成員都有錢賺，呢個廣告slogan，咁熟口面嘅，唔係舊年宏利時已經有買過咩，舊年宏利強積金廣告都係貼到周圍都係，大大隻字寫住99，當時宏利強積金都係話99%成員都有賺錢，睇返紀錄，佢哋當時係話截至2020年12月31日。
舊年宏利已經出過差唔多嘅廣告，但廣告唔怕舊最緊要受，今年AIA又有同樣嘅標題。最緊要嘅都係幫供款人賺到錢。個股市係去年開始進入瘋狂過山車狀態，
我哋又睇吓點解AIA強積金嘅成員咁犀利，會有99%正回報？
就算唔係好理投資市場嘅朋友都知道，今年投資市場情況唔係咁好，今年年初到五月底，股票又跌債券又點，買得股票既閒閒哋都跌10幾20%啦，仲有債券又跌，咁嘅市況下都維持到有99%嘅成員係賺錢？唔通真係咁多人買咗落去保守基金或保證基金？
咁奇怪嘅事，我哋即刻研究一下，原來仔細睇返，係謙公個大頭同句slogan隔離係有粒星星嘅，我哋搵到粒星星，大家一齊又睇吓星星講乜嘢：資料來源，自AIA旗下強積金計劃現有成員參與計劃起計至2021年5月31日。
睇到呢度，簡直暈低咗，原來係截至2021年嘅5月31日，唔經唔覺唔講唔知，原來都成年前㗎。原來佢cut咗喺個牛市頂部，所以啲表現就咁好啦。
另外，佢有講話成員嘅回報，過去三年平均28%，睇返備注，佢呢個三年，係由2019年1月1號到2021年12月31日，佢計好晒話28%，同埋數據來源係來自AIA公司，所以只好等其他公司各自根據自己嘅數據睇埋，先至28%係屬於高定低，但係大家唔好忘記今年年初至今個股市係咁跌，債市又係咁跌，截至去年年底既平均28%回報，過埋今年上半年都唔知剩返幾多啦。
以上幾點，每一點都好吸引，可以顯示到AIA MPF 既優勢，但每一啲計算，係唔同年份，一般人根本好難睇得出，會唔會有點取巧？
無論如何，喺潛伏左咁多年之後， AIA MPF終於賣下廣告，好過冰封左幾年，無聲無息咁樣一啲宣傳都冇。我哋明白業界內因為即將推行嘅eMPF積金易平台，大家都忙到一頭煙，而且又驚喺轉換咗去積金易平台之後，生意會受到影響，所以大家而家都按兵不動。作為強積金平台上第四大嘅供應商，好應該主動啲宣傳一下，作為自己計劃推廣又好，作為教育市民都好，都應該推動多啲。
美股表現近年持續強勁，不知如何入手？我們精選了10隻高增長美股，並撰寫了《不應錯過的10隻高增長美股》免費報告。立即按此下載！
想提早退休? 想提高每月的被動收入?
我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣，請立即按此免費下載！
本文所提供的信息僅供一般參考之用，並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)
