【MPF醫務室】美國5月一次過加息0.5厘│環球發生緊乜野事?│外幣齊齊跳水│美股正「彈散」!

近日投資界好多大事發生,其中之一相信係英磅、日元,依2個好多香港人鍾意既外幣,係最近齊齊跳水。日元對港元跌到6算,而英磅對港元更加跌穿左10元。

大家係衝去兌錢既同時,可能都心中奇怪,究竟係英國經濟出咗咩問題?定係日本經濟又再次尋底?心水清嘅朋友可能就會知道,根本上係美元不斷轉強。因為美元嘅強勢,唔單止美元兌外幣,美元兌港元,港元都跌到接近7.85既弱方保證。美元仲乜咁強呢?今次英鎊,日圓,等外幣咁跌法,會唔會係一個買入嘅時機呢?

上次同大家講完,依家全球通脹有幾嚴重,今次就同大家瞬間睇睇,環球市場的情況。大家都知,美國係咁話要加息,d新聞成日彈出黎,話要加0.5厘,0.75厘呀,但其實美國到依家,暫時都只係加咗一次,睇幅圖就見到,3月加咗一次咁大把,雷聲大但雨點小,加的幅度都只係0.25厘,同佢的通脹速度比,真係蚊脾同牛脾。

雖然加咗好少,但就係咁放風話,5月會加0.5厘,係咁調節市場的預期,本來大家預咗年底約1.9厘,依家個市甚至price in 咗年底去到2.75厘,最近大家就係估計美元又會再加息啦,所以呢大家都憧憬息差嘅關係,不斷睇好美元,而引致強美元底下外幣下跌嘅現象出現。而美國十年期國債孳息亦大幅抽升,已經衝到上接近2.9厘水平,資本市場恐慌情緒湧現,恐慌指數VIX抽番上接近一年高位,而股市就大跌。

除咗美國國債孳息抽升外,歐洲好多國家都一齊升,好似英國、德國、法國,其他國家好似日本、加拿大等,都升埋一份。唯獨中國的十年國債孳息走勢係唔同。我地睇番中美兩國的十年國債孳息的對比,會見到依家到咗一個交匯點,美國十年國債的孳息率,居然升到高過中國,搞到人仔對美元弱番D。係2018年的時候,都曾經有一刻,美國的十年國債的孳息率,非常接近中國,結果當時,美國就倒轉行,係咁減番息,今次又會點呢? 美國啱啱先開始加咗一次嘛,預計唔會即刻轉頭了。

依家美聯儲資產負債表已去到約9 萬億美元的資產規模,比 2020 年 2 月 的 4.17 萬億美元,擴張了一倍有多,3月份個時佢的瘦身計劃大約係一年減大約1萬億美元。依家佢已進入咗加息周期,3月開啟咗第一次,但市場都了解,今輪美國的通脹,主因係供應鏈瓶頸、供給側方面的影響,再加上俄烏的戰爭,加息未必對正下藥。

大家要知道,美國經濟在 2022 年前三個月環比年率係收縮 咗1.4%,遠低於市場預期的 1.1% 擴張,亦即係代表,美國經濟根本並非過熱。加息下,企業同個人的資金成本上升,會減少貸款需求,本來已唔熱的經濟,更加係一盤冷水潑茖去,不僅解決不了供給側導致的通脹,仲打擊埋經濟復甦,好自然就搞到滯脹。美國的貨幣政策一有閃失,股市就自然當災,依家納指個勢,技術上出現咗死亡交叉,50天線已跌穿250天線,仲做埋個後抽反彈了,已經KISS GOODBYE埋250天線,成個彈散格出晒黎。

分享給你的朋友

美股表現近年持續強勁,不知如何入手?我們精選了10隻高增長美股,並撰寫了《不應錯過的10隻高增長美股》免費報告。立即按此下載!

想提早退休? 想提高每月的被動收入?

我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣,請立即按此免費下載!

本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)

About MPF醫務室 72 Articles
MPF醫務室專為大家拆解強積金(MPF)相關的奇難雜症。 Youtube: https://www.youtube.com/channel/UCtWpdex-OPP2lIDTEm-n0rA/featured