大家好，歡迎大家返到黎MPF醫務室，我係大家既醫務員Tiffany
講改變？講未來？香港依家已經風雨飄搖，唔好話未來會點，大家仲期待緊幾時可以同班friend出街打返個邊爐。早排以為封城，撲埋左一大堆公仔麵仲未食，仲有嗰100幾十盒嘅快速測試，日日阻住唔知放係邊好，咁嘅生活要到幾時呢？
家嘅未來，由擁抱改變而來，係一輯3個既匯豐廣告。係呢一系列廣告，可以見到製作者嘅心思。我哋之前有片講過匯豐強積金竟然打破咗慣例唔再走資，反而有資金流入，唔知係咪因為匯豐啲新廣告吸引到新客？
匯豐由年幾2年前，因為幾個決定，激嬲晒全城嘅人，所以好多人都不停cut匯豐戶口，轉走啲錢。匯豐之後就開始不斷推出各種比較貼地嘅廣告，來吸引番客，最簡單直接嘅就係搵當紅明星Mirror、仲有長青的子華中基去賣廣告吸客，呢啲咁受歡迎嘅明星都有一啲共通點，唔使我哋講大家都會知道。用得依啲明星黎吸客，匯豐佢哋嘅心思都好明顯。
嚟到呢一輯三個廣告，除咗有明星去吸客之外，故事內容都好花心思，內容開宗明義用改變為題，想講移民、講將來、講改變。呢個城市多人移民就唔再係新聞啦。廣告想講移民，就咁講一家大細走去英國，故事太平鋪直述，講出嚟唔夠吸引。於是就搵鄭中基飾演阿爸，阿爸同女去外國，阿媽留在香港，佢哋冇全家走晒㗎，爸爸去英國仲有一個十分華麗嘅藉口，追求夢想，放棄香港嘅牙醫高薪厚職，同阿女一齊去咗外國讀書。為咗追求夢想，而離開香港，佢既弦外之音，我估大家都明嘅。
另一輯廣告，用兩個相信係女同既故事，成個廣告不停問一句說話：「我哋係咪有將來？仲有冇將來？」係呢個城市，有邊個唔想問呢個問題，不論你是小眾人士，或一般大眾人士，有邊個人唔想問呢個問題？喺片中兩位人士嘅未來就係開左間Cafe，喺香港做飲食嘅到咗四月底解封時仲營業到嘅，一律可尊稱封為食神。
醫務室覺得匯豐市場推廣個老細勁在夠膽用咁嘅貼地話題嚟做宣傳，用幾個扭咗少少嘅角度來講出大家心中嘅諗法，
匯豐強積金現在資金無左剩流出，反而有資金流入，唔知係因為廣告緊貼民心，大家有共鳴？定係大家準備移民英國，所以喺匯豐開定戶口？為移民作好準備呢？大家又知唔知道，匯豐卓越理財戶口，嘅資金要求要最少一百萬才免除月費，呢一百萬的要求係連強積金都會計算在內，其實資金流番入去匯豐強積金，係因為佢嘅強積金表現好而吸引到大家？定係因為大家想用佢嘅海外銀行服務而將強積金作為人質，抵押喺佢銀行入邊呢？到底大家點諗，你地自己最清楚了。
好啦今日就講住咁多先，大家記得like，share同subscribe我哋睇吓，下次再見拜拜
美股表現近年持續強勁，不知如何入手？我們精選了10隻高增長美股，並撰寫了《不應錯過的10隻高增長美股》免費報告。立即按此下載！
想提早退休? 想提高每月的被動收入?
我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣，請立即按此免費下載！
本文所提供的信息僅供一般參考之用，並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)
