Bct出咗隻新嘅退休基金，我哋之前都有片講過，出退休基金呢個風氣，由宏利開始，跟住就到富達有出，而家就再到Bct，各大供應商中，係AIA同永明未有提及會出退休基金。如果各位朋友知道佢哋會出的話，記得留言話俾我哋聽啦。
現在咁嘅時勢，疫情都唔知會再點發展，大家年幾時會返工，或幾時有得返工都未清楚，如果講退休會唔會太遙遠呢？
但無論點，供應商爭相出抗通脹產品、退休基金呢個趨勢會持續。宏利出隻派息基金，富達出席抗通脹基金。B C T呢隻亞洲收益退休基金，就集合左兩個主題，佢標榜自己係：全港第一隻旨在抗通脹兼派息的MPF基金。佢有提及自己嘅投資目標總回報為消費物價指數再加2%。如果着基金可以做到佢所講嘅可以持續派息，投資回報又可以達到消費物價指數+2%的話，咁都唔錯喎。
睇返數據香港嘅消費物價指數喺2022年2月嘅時候綜合消費物價指數上升1.6%，如果投資回報係消費物價指數+2%的話，即今年係3.6%咁回報都唔算好多。如果用晒投資回報來派息的話，派息率就就同宏利隻派息基金差唔多。
Bct呢隻基金係點樣做到佢所講嘅嘢呢，佢個基金架構係一對一買入泰康資產管理所出品嘅taikang asian income retirement fund。睇到呢度，醫務室不禁「吓」「哦」。點解會「吓」，係因為B C T 現時旗下用緊咁多大名既基金經理，但竟然會搵到泰康，或者咁講，泰康竟然可以搵到BCT。因為喺香港而家咁嘅情況，資產管理好難搵到資金去投資，強積金就係一個源源不絕嘅水源，泰康可以搵到B C T去出強積金，絕對係幫佢公司開咗一門新嘅生意。點解醫務室又會「哦」一聲呢？因為亦都解答左點解喺疫情前，係一啲業界嘅晚會上會見到泰康嘅身影。所有同場嘅業界都知道泰康係從未踏入個強積金呢個領域嘅，大家都奇怪點解泰康會係個飯局出現？但係同場個個供應商都冇乜同泰康有交流，只係BCT嘅一姐不斷同泰康密斟密斟，原來就係為咗大家有新嘅合作。泰康做成點，bct今次有冇信錯人呢？大家就喺4月25日隻基金面世之後留意一下。
隻基金嘅投資範圍係最多70%買喺固定收益，可以買最多30%股票，仲有最多可以持有10%嘅現金。固定收益就以亞洲區來投資級別嘅美元債券為主。
退休基金，以債券為主，都係好正路嘅做法，但係喺現金價值環境底下，債券價格會有一定嘅壓力，就算係亞洲債券基金，表現都會受到影響。留意嘅一個細微位係佢投資既債券地區，係包括內地，所以如果未來積金局開放左可投資既內地債券嘅投資範圍，呢隻基金都可以投資。另外30%股票就會投資喺香港及內地市場相關嘅股票上面。
咁樣講完，大家對呢隻基金嘅投資範圍係咪有咗一個大概嘅印象，想像到會係點樣。
另外呢隻基金係可以派息嘅，作為一隻強積金佢點樣派息呢？佢都係用宏利派息基金嘅做法，就係65歲之前佢會派咗息，但就幫你再投資返喺呢隻基金內。至於65歲之後嘅成員如果買咗呢隻基金，都派息時佢就會將啲利息擺咗落去着65歲後基金度。成員再入紙喺隻65歲後基金度,一次過提取或者分批攞錢。
明明如果通脹高，央行就會加息，從而影響債券表現。但因為係退休基金，所以又要買大量債券。咁樣點樣可以做到以債券為主但又達到抗通脹目的呢？呢個都好考功夫。
另外如果要抗通脹，黃金都係一個重要嘅投資。明明黃金係積金局准許嘅投資，雖然只係可以最多買10%，但點解冇供應商提及會購買黃金來做抗通脹嘅投資工具呢？
積金局大力推行各種抗通脹，適合投資嘅基金，又會唔會放寬可以購買黃金嘅持倉比例呢？之前因為黃金係屬於商品類，積金局一直覺得商品類嘅投資波動率會比股票或債券高，所以一直非常唔建議供應商去持有商品類投資嘅產品。但大家睇返現在咁嘅市況，就算成熟市場，好似美股，每日嘅波幅都可以非常之巨大，香港股市嘅波幅就更加犀利啦，10個交易日內可以跌緊20%，之後幾個交易日又升返上去，如果你近半個月冇睇股市的話，你完全唔會知道港股喺三月間嘅情況，半個月就可以「來回地獄又折返人間」，好似冇郁過咁。如果有商品類如黃金等嘅投資，絕對可以作為分散風險之用。
呢類近期新出嘅退休基金，最終邊啲先真係幫到手，邊啲會受歡迎呢大家就拭目以待啦。
美股表現近年持續強勁，不知如何入手？我們精選了10隻高增長美股，並撰寫了《不應錯過的10隻高增長美股》免費報告。立即按此下載！
想提早退休? 想提高每月的被動收入?
我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣，請立即按此免費下載！
本文所提供的信息僅供一般參考之用，並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)
