環球股市前景未明朗，俄羅斯同烏克蘭戰爭，以及疫情爆發，一連串問題都影響未來股市嘅發展。仲有加息嘅影響，一直籠罩着股市。
係咁嘅環境之下，一動不如一靜，我哋不如靜下心來，了解一下強積金嘅新產品。近期強積金嘅新產品就有退休基金或相關服務。這類產品主要係畀近65歲的人來投資，到咗65歲後，供款人可以不用將錢提取出來，繼續投資在這類基金上，應付退休後的生活。
這類產品的特性是較大比重投資於債券上，表現相對平均，上落波動比較少，有啲會以派息為主，有啲會以對抗通脹為主，務求令到供款人買咗呢啲基金之後，可以每月有收入應付到生活所需。
強積金嘅退休基金值唔值得投資？好多人講話強積金可以攞走時就快啲攞走啦，攞咗啲錢去做其他投資好過。
有啲朋友根本唔識投資嘅，連ETF都唔知咩嚟嘅，又冇證券戶口、投資戶口，更加唔好講話叫佢買股票啦。強積金就變咗佢唯一嘅投資。呢一類嘅朋友，可能會想退休之後繼續keep返喺強積金度，以賺取比銀行利息更高的回報，又或者係因為唔識或懶唔想走。
退休基金這個類別相信係由2020年底宏利出左隻退休收益基金開始。這隻基金以強積金但會派息作為一個賣點，大家都驚為天人，打破晒一般人嘅諗法。這隻退休收益基金一出之後就吸金力特強，截至2022年1月底，即基金嘅市值已經超過21億元港幣。過去一段時間，派息率就高過3.5%，但低到4%。根據資料，過去一段時間，派息率就高過3.5%，但低到4%。根據資料，呢隻基金係得頭三次派息係由收入度派其他全部都有資本派出來。連埋股息整體回報就不過不失啦到二月底升咗約2%。
呢隻基金嘅供款人大約有4份之一係60歲以上。一般投資者想投資喺派息嘅基金或者產品上，係想用股息來維持生活開支，想法上覺得只用了利息，投資的資本不變。但其實派息基金派息比你或唔派息基金你自己賣左部分來用，兩者係你分別。
呢隻基金嘅實際操作係點，究竟佢點解可以係積金局條例講明，強積金唔可以派息嘅條件底下都做到隻基金可以派息呢？大家可以睇返我哋之前條片。
退休基金呢個類別，除咗宏利隻基金之外，富達都有隻，但呢隻基金同宏利嗰隻唔同，呢隻基金本質係唔會派息。
富達呢隻叫做退休易基金，佢講明會集中投資於全球政府及企業債券現金及現金等值低波動嘅資產。佢都會投資喺股票，但就唔會多於50%。喺基金說明書中佢有講明話最多可以90%投資於環球債券同埋會用動態資產分布策略，即係會一時多股票啲一時多債券啲，同埋會睇吓邊啲市場吸引啲就買邊啲，目的就係平衡資本選擇風險來達到佢嘅投資目的。講咁多嘢咁佢嘅投資目的係咩呢？
佢投資目的就係想長遠來講畀到一個平穩嘅回報係高於香港嘅通脹。
因為呢隻基金都係舊年年底先面世，未夠六個月，所以factsheet上未有回報。但係factsheet上我哋可以見到佢嘅十大持倉，大部份都係債券，當中美國國庫債券同埋德國債券為主，股票嘅就見到有蘋果同埋微軟。資產分布方面，有超過三成喺環球股票，接近四成喺環球債券其他有接近兩成喺環球企業債券。即係就咁睇佢12月底嘅資產分布都有接近四成係股票。
剛才都有講過呢隻基金嘅主要投資目的係長線來講贏到香港嘅通脹。佢本身係唔會有派息嘅功能嘅，
但點解都會人話富達嘅基金都可以每個月收到錢呢？佢其實係通過咗一個特別嘅方法。個方法叫做自主退休投資方案。
自主退休投資方案，是一個方案， 一個方法，佢唔係一隻基金。大家如果見到廣告，認住谷德昭個樣就係啦。
個方案話，如果到咗退休年齡，攞晒啲強積金出嚟放喺銀行收息，不如繼續投資喺佢隻退休易基金度，因為嗰隻基金嘅回報會高過喺銀行存款，咁每個月嘅生活費點樣算好呢？就係通過佢個網上平台提取服務，網上預設每隔幾耐，攞返幾多錢。例如你設定每個月想攞$5000 ，咁喺你設定好之後，佢就會係你所持有嘅基金中每月賣出價值$5000嘅資產來畀你。
所以基本上佢係固定每個月通過這個網上提取平台，幫你做一個賣出嘅動作，提取一筆錢來做生活費。
我哋可以見到呢個網上提取服務，可以講係一個聰明嘅方法，基本上解決咗65歲後想每個月都可提取生活費呢個問題。係平台設定咗之後，每個月就會提取啲錢俾你，，唔需要一到65歲就攞晒出嚟然後再諗放喺邊度好，最啱啲唔會成日睇住個投資市場，只係想每個月有固定錢攞到嘅人。但唔好處就係你冇因當時嘅市場環境去睇吓適唔適合提取，所以如果配合表現比較平穩嘅基金去用這個提取服務就更加好。而且每個月不停咁搣下搣下，如果唔識得投資增值，好驚會好快搣晒。
咁呢個服務同投資喺派息基金，兩個都係每個月可以攞到一筆錢，這兩個又點樣比較呢？
講返呢個提取服務，你可以投資係乜嘢類型嘅基金都得，你買左股票基金又得，你買債券基金又得，都可用呢個服務。而且可以自訂提取嘅金額同埋時間，靈活性好高。但正如剛才所講如果你所投資嘅係表現比較波動嘅基金，就會因為你每個月都要賣出一部份資產，而會受到市場上落嘅影響。同埋呢個提取服務其實係賣緊你嘅強積金嘅一部份來俾你，每次賣吓賣吓，一不留神，隨時賣晒都唔知。
而另一方面，每個月都會派息嘅派息基金，每個月嘅派息率就由隻基金決定，而且佢嘅投資都係由隻基金決定，你淨係可以揀買或唔買嗰隻基金。
所以靈活度上來講就冇網上提取方案咁自由了。有人會話派息基金每個月都係派緊利息俾你，唔會削弱到你個資本。如果大家之前有睇我哋條片，
隻基金嘅股息，有部份都係由資本度攞出嚟。所以同你賣咗部份一隻唔派息嘅基金來當派息比自己一樣。
今集就同大家比較咗兩個現時市面上嘅強積金退休產品，大家對現時強積金嘅退休產品有冇多啲認識呢？嚟緊仲有好多供應商會出不同嘅退休產品我哋遲啲再同大家研究啦。大家又對退休產品有冇咩認識呢？歡迎大家喺下邊留言分享。
美股表現近年持續強勁，不知如何入手？我們精選了10隻高增長美股，並撰寫了《不應錯過的10隻高增長美股》免費報告。立即按此下載！
想提早退休? 想提高每月的被動收入?
我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣，請立即按此免費下載！
本文所提供的信息僅供一般參考之用，並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)
