【MPF表現】市況波動 2022年1月的升幅又無晒？

大家好,歡迎大家返到黎MPF醫務室。我係大家既醫務員stephy

2022年係不知不覺間原來已經去到二月中。大家仲記唔記得係2021年，大家不斷追捧美股基金，而美股基金全年回報十分亮麗。而係2021年港股就不斷尋底，令到大家撈底又放棄。

到左新一年，係2022年一月份，環球股市情況就嚟咗一個大逆轉。咁多個強積金類別內，只係得港股指數基金同埋人民幣債券基金錄得正回報。港股指數基金類別平均回報得1.6%就已經係咁多個回報之中最好啦。而跌得最多嘅係美股基金，成個類別平均表現係錄得6.22%嘅跌幅。

港股追蹤指數類別內雖然有15隻基金，好多好多選擇咁，但當中其實大部份都係追縱恒生指數嘅，所以你見到大部分基金既回報都好接近。而追縱恒指大部份都係買入盈富基金2800 HK。

雖然都有部份係買入其他追縱恆指嘅ETF好似匯豐同恒生就唔係買入盈富基金，而係買入恒生所生產嘅追蹤恆指ETF。因為各隻強積金買入嘅ETF有唔同，所以得出來嘅回報都有少少嘅分別。

講開盈富基金，相信大家仲記得喺舊年年頭嘅時候，盈富基金宣佈咗會按照美國總統喺2020年11月頒布嘅行政命令，唔再對受美國制裁嘅公司進行新嘅投資，當中包括中海油、中國移動、聯通。但係兩日之後盈富基金既基金經理人公司state street道富環球，就迅速跪低。宣布會恢復投資於受美國制裁嘅恆指成份股，即係唔再跟從禁制令來做野。

盈富基金係這件事上真係有苦自己知，美國制裁名單呢件事令到盈富基金兩面不討好，左右做人難。佢如果因為自己係美國公司嘅身份而執行美國制裁名單，咁佢就會得失左喺香港市場上嘅投資者。點解咁講，因為佢只要唔再對受制裁名單嘅公司作新嘅投資，盈富基金嘅表現一定會有所影響，偏離於恒生指數嘅表現。而恒生指數公司唔係美國公司，所以恒生指數完全唔需要遵守美國嘅制裁名單。

所以盈富基金嘅基金經理人，一開始響應制裁名單，但權衡利益之後就迅速跪低，推翻自己所講嘅嘢話重新會買受制裁嘅公司，只不過做左個聲明叫美國人唔好買佢隻基金。

轉軚轉得快，都唔會好世界。佢就算即刻轉軚，但咁做法都引起咗好多方面嘅不滿，強積金行內就因為呢件事，開始搵盈富基金嘅替代品。甚至有聲音提出要轉換盈富基金嘅基金經理人。首先有所行動嘅就係中銀保誠嘅我的強積金計劃。初時我的強積金計劃內既我的香港追蹤指數基金，所買入嘅就係盈富基金，但喺喺舊年九月先開始唔再買入盈富基金已改為買入南方東英嘅恒生指數基金。因為ETF由中資基金經理人管理，美國總統就算有乜制裁，佢都可以唔使理。就係這個想法，行內諗如果迫走左道富環球，搵中資背景既基金經理人來管理盈富基金，咁未來就一定口徑一致，唔會有問題啦。所以道富這個位仲可以坐幾耐，大家就真係要拭目以待。

強積金行內對於搵其他恒指基金來替換盈富基金的這個行動一直持續，大家又可以繼續留意一下，嚟緊會唔會有其他公司不再買入盈富基金，而買其他嘅公司出品嘅恆指基金。

就住美國制裁名單這件事上，大家亦都可以留意一下，有唔少供應商嘅強積金，佢嘅港股基金或亞洲股票基金，都會作出聲明話基金內有買到美國制裁名單內嘅股票，所以唔適合美國人投資。

講遠咗添，講返港股追縱指數基金類別內嘅基金先。除咗追蹤恒生指數之外類別內仲有一隻永明彩虹嘅追縱富時香港指數，同埋中銀保誠嘅中證香港100指數基金。呢兩條指數同埋港股恆指嘅表現，我哋之前都有片講過大家可以睇吓。但這兩個指數喺2022年1月嘅表現，就冇恒生指數咁好啦。

第二個係一月份有正回報嘅類別就係人民幣債券基金。呢個類別，得六個計劃內有人民幣債券基金。人民幣債券基金，吸引嘅地方主要係2個方面，第一係人民幣嘅升值潛力，第二係人民幣債券嘅利息比其他債券好。係一月內，人民幣債券類別內表現得較好嘅係宏利同埋B C T。但整體都因為屬於債券類別，所以基金嘅波幅冇股票類別咁大。大家見到頭3隻表現都好相近，因為BCT同BCT 行業兩個計劃其實都係一對一買入景順既人民幣債券基金。

美股裏邊喺2022年一月份係表現最差嘅類別，類別平均表現跌約6%。當中AIA隻北美基金表現最好，跌幅最少。呢隻基金係2021年亦都係同類別內表現最好嘅基金。

AIA這隻基金，近幾年一直表現係類別內都比較差，去年2021年同今年1月可以傲視同濟，都可以話威番次啦。

同類別內跌幅最大嘅就係萬全既美股基金，呢隻基金的攻擊力比較強，科技股成份較多，所以喺市況逆轉，市場下跌嘅時候，佢嗰跌幅都會比較多。

喺美國股票基金類別內，有兩隻新基金係舊年年底面試，包括BCT同埋中國人壽。就冇包括BCT新出嗰隻基金，雖然隻基金已經面世咗，但因為喺佢哋嘅官方網站內，都話要六個月之後先會有基金表現顯示出來，所以喺呢度呢我哋就冇將B C T嘅基金表現同埋其他黎做一個對比啦。

美股既展望會係點？現在又係咪買入港股既好時機呢？我哋會密切留意市況發展，再同大家跟進。

好啦今日就講到咁多，大家仲有咩題目想討論，或者有咩基金想真正了解呢？大家記住留言俾我哋啦。最後記住like share,subscribe我哋，

下次見，拜拜

美股表現近年持續強勁，不知如何入手？我們精選了10隻高增長美股，並撰寫了《不應錯過的10隻高增長美股》免費報告。立即按此下載！

想提早退休? 想提高每月的被動收入?

我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣，請立即按此免費下載！

本文所提供的信息僅供一般參考之用，並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)