【MPF醫務室】基金類別2021四強!

 

 

之前我哋同大家睇過2021年十大升幅同十大跌幅嘅強積金,話晒成個強積金平台上有幾百隻基金,買得到十大升幅基金嘅機會就唔係咁多,但相信好多朋友都有選擇到高升幅嘅類別。

大家又知唔知道喺2021年內各個類別嘅表現係點呢?

如果按照MPFA嘅分類,2021年內升幅比較好既有4個類別,我哋一個個同大家講。

相信大家都會估到表現最勁嘅就係美國股票基金類別。有乜計劃有美股基金同個別表現,我哋都有出片講過,有興趣可以睇返。

跟住表現最好既類別同第三好類別,大家既升幅,就互相好接近。排名第2係環球股票類,排第3係歐洲股票類別。兩個類別嘅平均回報都有超過16%。

講下第2既環球股票類表現點解咁好,主要有賴於投資組合內美股同歐股既表現。因為一般環球基金都有一半或以上係美股持倉,所以有啲朋友如果買既mpf計劃內冇美股基金的話,又想有d美股的話,都會買環球股票來代替。

但凡事總有例外。唔係買咗環球基金,回報就一定好。因為環球股票類別內表現最好既基金同同一類別中最差既表現分別係非常之大既。即係話就算你揀中咗環球股票類別,都要睇吓你係用緊邊個計劃佢嘅基金如何。

表現最好嘅環球股票基金就係AIA嘅綠色退休基金,佢緊緊以點數贏咗匯豐環球股票基金。隻AIA環球其實係MPF台既ESG鼻祖,

佢係ESG未普及前已經係第一隻以環保為主題既基金,咁多年來表現強勁,題材又夠正氣,以前就只叫環保,現在就叫ESG。隻基金係2006年成立,直到現在都仲係成個強積金平台上唯一一隻供款人買到既esg既基金。要知道現在不論係MPFA或者sfc都好大力推行Esg,不斷想行內推出呢d題材既基金產品。AIA拿住這張皇牌係手,本已快其他供應商幾條街,只要將這基金推一推比大眾認識,上可滿足mpfa, sfc要求,又可吸引到客戶。這基金表現又出眾,近3年內,2019年同2021年都是環球類別內冠軍,實力不容置疑。供款人揀選左後可既賺錢又感覺上為環保,持續發展出左分力,好似好一舉兩得。

但AIA咁多年都無為這基金大力推廣,而難得這基金既基金經理東方匯理又無將這基金係其他mpf計劃內推出,就令到aia做這獨門武器多年,但嚟緊應該會有不同類型嘅esg基金推出,aia就要為這個獨門主題諗下計了。

講完遠添,講返環球股票基金。環球股票基金類別內,

表現最差嘅就係景順嘅增長基金。景順既環球基金表現差,連帶一對一買入佢嘅中國人壽計劃嘅環球股票都一樣差埋,呢兩隻基金表現同其他環球股票基金爭咗一大截。景順既回報就少於1%,而買佢既中國人壽計劃就仲低啲,

佢哋嘅表現同最好既差距超過20%。

點解景順表現咁差?因為其他原因會大量持有香港股票同埋中國股票,所以表現就受到中港地方拖累而同其他嘅環球股票表現差咁遠啦。

之後第四位已經係回報差咗一節嘅懶人基金嘅核心累積基金,但都有接近10%既升幅。

核心累積基金升幅都唔錯,主要有賴於美股同歐股既表現。佢有近六成喺環球股票,而環球股票中又有接近六成喺美國股票同埋有近兩成喺歐洲股票上面,所以核心累積基金先會有咁強勁嘅表現。

睇完表現最突出嘅之後,到表現最差嘅就係中國股票基金,尾二係香港股票基金。係港股類別內,我哋又見到去年被動投資嘅港股基金表現就好過主動型港股基金,但大家都跌超過10%。

成個類別都跌咁多㗎啦,咁喺港股類別之中,表現最好係邊個呢?我哋睇返表現最好嘅就係海通港股,佢跌咗僅9%,第二位係永明港股,跌咗10%,跌幅最大嘅港股基金就係景順嘅香港及中國股票基金,跌咗超過18%。

唔知係咪因為大家睇住港股不斷下跌,想去撈底,定係因為永明嘅銷售做得好好,永明呢隻港股基金,喺2021年之中吸金力非常之強,我哋遲啲再同大家詳細啲睇吓。

舊年的表現回顧就講到呢度啦,上一條片我地同大家比較咗宏利旗下兩隻安聯的亞洲亞太基金,大家有無乜野揀基金心得,歡迎留言分享,多謝收睇,下次見,BYEBYE

分享給你的朋友

美股表現近年持續強勁,不知如何入手?我們精選了10隻高增長美股,並撰寫了《不應錯過的10隻高增長美股》免費報告。立即按此下載!

想提早退休? 想提高每月的被動收入?

我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣,請立即按此免費下載!

本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)

About MPF醫務室 76 Articles
MPF醫務室專為大家拆解強積金(MPF)相關的奇難雜症。 Youtube: https://www.youtube.com/channel/UCtWpdex-OPP2lIDTEm-n0rA/featured