2022展望──投資主題

 

【2022前瞻系列】:星展香港十大首選股建銀國際十大焦點股交銀國際十二大行業首選股滙證推介12焦點港股花旗六大首選股大行對恒指目標預測【2022前瞻】花旗恒指目標及7大H股首選

【2021總結】道指全年升18.7%較歷年表現點?強弱成份股喺邊隻?摩根大通看好的10隻價值型美股

上集講到,現時環球經濟狀況已經去到一個好關鍵既位置,假設疫情keep住係咁變種,咁經濟的基本面,大概率會係朝住滯脹的方向行。

至於點解會咁同埋如果變左滯脹會有乜大問題?大家可以睇返我哋上次條片,條link係右上角。

係今條片我哋除左會繼續同大家睇吓2022年大事展望之外,仲會同大家睇吓喺嚟緊嘅一年有乜主題值得投資,鍾意嘅朋友,記得subscribe我哋既channel喇。

好喇,依家聯儲局就話明年可能會加息三次,講係咁講,但最尾佢都會睇住市場、經濟同埋通脹黎做野,上次我地就解釋過點解加息又唔得,唔加息又唔得。佢會唔會加下又吞下,吞完又放下風話加咁呢。

點都好啦,依家暫時主導市場的預期,就係聯儲局放水放到三月,之後就唔再放,一有咁既預期,你估個市仲會升到3月先跌咩,d沽壓已經巴巴聲湧倒出黎。所以,2022年,如果堅係收水的話,咁大家就要睇路啦。

加息收水對市場既影響,歷史上都有先例,我哋又睇下學下野先。

我地睇番美國2015-2018年個一輪的加息,同s&p500的走勢,再配合埋當時的財政政策同國家戰略黎睇。

2015年因為好後期先開始加息,s&p500全年只係微跌;2016年又話經濟唔係咁好,一路拖住唔加住,拖到12月,s&p500全年反而有得升;2017年加息加得凶狠,加足三次,但配合埋減稅等擴張性的財政政策,s&p500全年又大升,2018年加咗4次,仲同中國打貿易戰,s&p500呢年先跌得比較顯著。

2015-2018年既歷史就係咁喇。

不過,今時不同往日呀,背景已經唔同晒呀,個時根本無通脹壓頂,要加息或者要拖延加息,隨心所欲,但依家講緊6厘幾通脹呀,而且個時加息開頭個幾年,又無同中國開拖,依家就時不時又出招打壓中國,打交唔係無成本架。

係咁既情況下股市的走勢,相信明年個走勢都好難好似2015-2018年個幾年升多跌少了。

今年美股升到咁癲,咁2022年又會點呢? 相信2022年要再係美股度賺easy money,就好難了。美股除咗高估值問題之外,企業成本壓力、加稅困擾同埋政府政策都會有較大的風險,出年呢d因素都會籠罩住大市。而好多人都已經唔似今年咁,一面倒咁睇好美股,好似大行Morgan Stanley都呼籲投資者減磅美股。美國出年可能係Range trading,上望空間就唔會好似今年咁有10幾20%的升幅啦,但個股方面,就相信會有好大的分野,所以部份主動型基金表現會好過被動型。當然都睇揸盤個基金經理嘅功力。

大市變得難咗搵到大錢,咁2022年,又會有乜野主題應該投資呢?

通脹咁勁,對沖通脹相信係大家都認同的投資主題之一。

咁有乜投資可以抗到通脹呢?

傳統的智慧話俾我哋知,黃金係可以抗通脹。雖然有人會質疑,有d高通脹年份,黃金係跌,好似80年代咁。但我地睇番黃金幅圖,77年打後,黃金3年升咗4、5倍,所以之後80年代,雖然仲係高通脹的環境,但黃金就係咁回吐之前的升幅,一路牛豆到20世紀,再用10年時間爆升咗5倍。佢唔係抗唔到通脹,但好睇你買入位,係高追定撈底。若果係2020年高位追入的話,咁依家都係蝕緊架,又點抗通脹呢。投資黃金要睇準時機先對抗到通脹,咁另外又有乜主題係值得投資呢?

近期最熱門的要數新能源,因為全球致力減少碳排放,推動新能源及可再生能源的大規模投資。美國11月剛通過重建更好法案,對風電及光伏投資抵稅免稅、生產抵稅免稅政策計劃延期至2034年,歐盟亦推出減碳55計劃,擴大可再生能源佔比,承諾到2030年底碳排放較1990年減少55%,而中國亦訂定減碳目標的時間表,預計在2060年非化石能源消費比重達80%以上實現碳中和,2030年,非化石能源消費比重達25%左右,風電、太陽能發電總裝機容量達到12億千瓦以上,較10月底風電、太陽能發電裝機容量分別的2.99億千瓦、2.82億千瓦,仍有逾倍升幅。所以對於這個主題嘅投資,對行業嘅需求就已經有喺度,係等適當嘅催化制,相應嘅投資就會倍數增長。

除咗新能源行業之外,另一好景的主題,大家都會有目共賭,就係電動車會愈來愈普及,繼 Tesla 後,多個傳統汽車品牌也開始生產自家的電動車,例如BMW The i4 、Benz EQE、Audi RS e-tron GT 等,百花齊放,電動車方面的競爭進入白熱化階段,車股亦需重新洗牌,個股會出現分化。

2021年係消費刺激政策之下,美國汽車銷售上半年係威係勢咁,但下半年就疲態盡現。例如FORD 2021年1-11月的汽車銷售就按年跌咗5.6%,但股價就升至2000年以來的新高,皆因市場憧憬佢的電動車銷售,11月單月賣咗1.1萬部,按年大升1.5倍。市場可能忽略咗cannibalization效應,即係指公司一項新產品的銷售會擠佔原有產品的銷售,換句話講,本來就要買FORD傳統車的人,可能買咗FORD的電動車,所以對公司整體銷售起唔到重大提振,而且生產電動車的成本比傳統車高,賣電動車的利潤反而更低,所以FORD有無炒過籠呢,就要斟酌下了。

對於呢個主題,我哋要留意嘅就係,明年邊間車企能夠出到一架,能夠豔壓群雄的電動車的話,咁就可以搶佔人地的市場份額。

另外,近排金融圈內多左3個英文字你會成日聽到,大家一定聽多咗ESG,可能唔知係D乜。ESG係Environmental, social and corporate governance的簡稱,係評估一間公司於發展時對於社會及環境的影響,從而影響到企業自身的可持續發展。環境方面包括保護陸地海洋生態系統和天然資源,減少污染及廢物、減少碳排放導致氣候變化等,社會方面包括產品責任、員工福利、供應鏈安全等,企業管治包括董事會構成,董事薪酬、企業行為如能否為長期投資者創造價值等。

舉例黎講一D大量用煤的公司,或者高污染的公司,剝削員工的公司,持續損害小股東利益的公司,如果投資者考慮埋ESG去決定買乜股票的話,咁呢類公司就可能唔符合ESG的要求,而被資金所拋棄。

ESG其實都存在咗好耐,咁點解近期投資界先係咁攞ESG黎講,作為投資主題呢? 因為大家預期監管當局可能會硬性要求d基金投資係ESG評分高的公司,若果真係黎個硬性規定,咁政策一出就會炒起相關股票,因為係資金市帶動,而資金流出ESG評分低的股票時,相關股票亦會有沽壓,所以有d公司已提前部署,嚴禁旗下基金投資於煤股等。

另外,因為疫情導致全球供應鏈出現混亂,企業開始把庫存管理由just in time,改為just in case!除咗會增加庫存、同埋要與主要供應商簽訂較長期的合同外,企業仲會分散製造基地,例如將供應鏈移到近岸,創建區域中心。所以令部份製造業加速回流歐美,帶動歐美的製造業PMI持續高企。我地睇番歐洲國家的employed persons(就業人數)的數據,見到歐元區已回升至接近疫前的高位,當中丹麥同荷蘭的就業人數更加已創晒新高了,再睇番香港,一比较之下,就满是伤害。荷蘭股市升到痴咗線,除咗有個隻股王ASML,大家愛不釋手之外,隻化工股IMCD升得仲誇張。買咗歐洲的,就豬籠入水,望住香港,就恨鐵不成鋼。

最後一個重點既投資主題,不得不提的是Metaverse(元宇宙),連Facebook都改名做Metaverse,可以預期Metaverse呢個投資主題只係大趨勢的開端並將持續多年,目前元宇宙相關的應用仍然有限,例如多年前大家就曾係《Pokémon Go》的遊戲中試過擴增實境。依家的虛擬現實大多數應用在遊戲上面,但元宇宙的虛擬世界能應用在任何實際的方面,未來可能可以做到網上購物,先透過自己的3D化身試穿虛擬的衣服,付款後再送貨到真實世界的地址。元宇宙如果能夠走出遊戲的世界,將會有無限的想像空間。

今日就同大家分享到呢度,祝大家2022年,財運滾滾,一帆風順!臨走之前,記得按讚分享同訂閱埋我地的頻道呀,謝謝收看,byebye

更多分析內容:

有高爆發力的數據分析股

蓄勢再升的流數據處理增長股

有潛力再升的高增長晶片股

2022年美股投資格局主調

一隻增長力強勁的財務軟件股

恒指撈底的高勝算策略

擁有強勁爆發力元宇宙平台股

有倍升潛力成為Tesla 2.0的電動車股

分享給你的朋友

美股表現近年持續強勁,不知如何入手?我們精選了10隻高增長美股,並撰寫了《不應錯過的10隻高增長美股》免費報告。立即按此下載!

想提早退休? 想提高每月的被動收入?

我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣,請立即按此免費下載!

本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)

About MPF醫務室 54 Articles
MPF醫務室專為大家拆解強積金(MPF)相關的奇難雜症。 Youtube: https://www.youtube.com/channel/UCtWpdex-OPP2lIDTEm-n0rA/featured