2021年新出強積金巡禮

2021年係唔經唔覺中又到年尾喇。係今年,投資市場照樣都係風起雲湧。年頭大家仲係對港股抱有絕對既希望,但經過左成年內不斷既受傷,相信已經好多人已經對港股死心左。相反另一面既美股又不斷創新高,年中就算會有波動上落,但美股跌左一陣後,好快又再爬返上去。

【2022前瞻系列】:星展香港十大首選股建銀國際十大焦點股交銀國際十二大行業首選股滙證推介12焦點港股花旗六大首選股

投資市場就異常波動啦,咁強積金係2021年都有唔少新基金面世,大家又知唔知有乜新基金可以選擇呢?無論係美股類別,大中華股票類別,同埋新嘅退休基金類別都有新嘅基金面世。

係今條片我哋就會睇下係2021年有乜新既強積金面世,有乜舊基金改名轉運重新出發,又同大家提一提有乜基金係取消左,大家又留意到下會唔會你之前揀既基金比人取消左而你無留意呢?就算無留意都唔緊要,大家如果subscribe我哋channel,mpf有乜新動向我哋都會提醒大家。所以未訂閱既朋友記得訂閱我哋喇。

2021年美股就搶晒風頭,個個都見美股咁勁,現時都想買美股基金,喺來緊新既一年,又有乜新既美股強積金面世呢?

BCT就係今年新出左一隻美國股票基金,隻基金喺八月期間獲得批准,而家已經面世,可以比供款人揀㗎啦!隻基金主要投資喺指數基金上面,但佢本身唔係指數基金。比如話佢可能會一部分買追縱標普500指數嘅基金,一部分買追縱納斯達克指數或其他指數嘅基金,咁佢既表現就會係標普500同納斯達克既表現中間,但佢自己本身就唔會以跟到某一個指數表現為投資目標。佢亦都唔會主動去揀股票,買一隻隻股票來投資,只會買指數基金。

買得指數基金嘅,一般收費都唔會好貴,佢就講自己嘅收費唔會多過0.99%,實際所有雜費加埋係幾多,就要睇佢遲啲公布。呢個收費,喺美股基金內,都算平收費果幾隻。

喺美股類別來,今年仲有新變動。匯豐計劃因為之前嘅計劃合併,所以佢個強積金計劃內有兩隻美股基金,兩隻美股基金嘅定位非常唔清晰,收費就一隻平一隻貴,但投資嘅表現又十分相近,搞到投資者無所適從,隨時揀左隻貴啲,無咁抵既基金來買。

喺2021年匯豐作出左新改動,將隻自選美國股票基金改名,新名叫智優逸北美股票追蹤指數基,隻基金改咗名連個性格都變埋。由主動型變左被動型。

智優逸北美股票基金, 係一隻指數追蹤基金,佢會以追蹤富時MPF北美指數為目標。

呢個改動之後,佢嘅定位就清晰好多啦,依一隻value choice智優逸北美股票基金,就以交出指數表現為目標,收費平啲,喺網站見到佢收緊嘅收費係0.8%。另一隻北美基金做以揀股為投資目標,要交出好過指數嘅表現。要揀股就要收貴啲,喺網站見到佢嘅收費係1.32%。咁樣再重新界定底下,供款人就可以按佢各自嘅需要你揀主動型定被動型嘅美股基金啦。

順帶一提,匯豐嘅呢個改動唔單止喺美國基金,佢隻自選歐洲股票,同自選亞太股票,都改名改投資目標,這2隻基金都變左被動型基金,都係以追蹤指數為目標。

如果講新增嘅美股基金,又點可以唔提中國人壽嘅強積金計劃呢。

中國人壽強積金今年就有新攪作,佢除咗新增咗一隻美國股票基金之外,仲新增咗一隻大中華股票基金。佢哋既基金仲係直接複製2020年表現中既王者。好似佢隻大中華基金就1 對 1 直接買入摩根宜安既大中華股票基金,而美國基金就1對1 買入templeton 隻美國股票基金。這2隻基金都係戰神級別,攻擊特強,係升市時分分鐘贏其他對手幾條街,我哋係2020年時都見識過。

大家仲記唔記得舊年2020年期間,大中華表現強勁,我哋果時都有報道,表現最好既就係我的強積金同埋萬全,這2間既大中華股票基金都係買入摩根宜安既大中華。今年中國人壽果隻新出既大中華基金都係直接1對1買入摩根宜安隻大中華基金。

而美國方面,大家仲記唔記得去年美股表現最勁既就係萬全隻美股基金,我地之前都講過佢係買入鄧普頓既美股基金,投資風格比較攻擊型,比較偏重增長風格,比較多科技類。見到鄧普頓既美股基金咁勁,中國人壽新出左果隻美股基金,就係1對1買入鄧普頓既美股基金。好明顯中國人壽係睇住2020年表現最好既基金來新增既,有左這2隻新增既戰神級基金,用緊中國人壽強積金嘅朋友就可以留意吓啦。

係2021年美股同港股既表現就一個天一個地,永明既彩虹計劃就新增隻美國及香港股票基金,佢點樣混合美股同港股既天與地表現,令到供款人有個冰火混合2重奏既感覺呢?真係令到人好期待。睇返其實係永明嘅基本計劃內,都已經有呢隻美國香港基金,彩虹計劃新增這隻基金出來,好可能都係為左佢要整合其他計劃入去彩虹而做既準備。

講完以上新面世既基金,係2021年仲有一隻新概念嘅基金出世,大家又知唔知係邊隻呀?富達計劃新出左隻叫退休易基金,retire easy fund。着基金係2021年11月先開始投資。點解叫依隻做新概念既基金?有留意我哋嘅朋友都知道,積金局好想大力推動供應商出多啲基金比退休後人士。你會問退休後都要供mpf?唔係掛,可以既都拿走啲錢啦。積金局同供應商就係想出一啲適合你退休後投資既基金,例如派息基金或抗通脹基金等。而富達這隻就係抗通脹基金。佢既投資範圍,包括,全球政府及企業債券,現金及低波動的資產,相對少的投資會在高風險資產,如股票。目標係透過取得長遠高於香港通脹率的穩定整體回報,以應對退休需要。即係買既野都係債券股票等,但就會想回報穩定啲,比人退休時可慢慢搣下。

呢隻就係第一隻以抗通脹適合退休人士需要既強積金,來緊就陸續有來。

講完有咩基金新面世,係2021年又有乜基金係取消左?如果你係永遠都唔會睇mpf statement 既人,會唔會你買左果隻強積金已經取消左,比人整合左去另一隻基金你都唔知呢?定你已經唔記得自己一開始時揀左乜,望住statement係度問乜我揀左依隻咩?

2021年取消左既基金,除左中國人壽隻保證基金外,最矚目就一定係今年8月AIA取消左港股基金同日本基金,我哋之前都有片講過。

Aia係8月將港股基金取消左,合併左入大中華基金,如果你係本身買緊aia港股基金,咁你現在應該係變左持有aia隻大中華基金。

同時佢都將日本基金取消左而併入左亞洲股票基金。所以如果你係買緊佢隻日本基金,咁8月後,你就會變左持有aia既亞洲基金喇。

日本基金係8月取消左,之後日本類別既inflow資金流入,就益左剩返嘅三個對手了。AIA係8月中取消左隻日本基金,日本係9月就有一波升浪,雖然呢波升浪最後無以為繼,但都吸引咗有資金流入日本類別。喺八月至到10月,宏利着日本股票基金就吸引咗約4千萬流入,中銀保誠隻日本就有近3千萬,連資產值較細既BEA,都有6百萬流入。aia就真係有啲走寶喇。

今集就同大家睇咗係2021年,有乜新嘅強積金面世,有乜強積金取消。大家就可以因應新嘅基金,為未來嘅一年做吓一啲新嘅投資部署。大家都可以參考我哋嘅投資展望,睇吓有冇一啲啟發可以俾你地啦,大家記住要like share同Subscribe講我哋呀

更多分析內容:

蓄勢再升的流數據處理增長股

有潛力再升的高增長晶片股

2022年美股投資格局主調

一隻增長力強勁的財務軟件股

恒指撈底的高勝算策略

有倍升動力的「先買後付」股

擁有強勁爆發力元宇宙平台股

有倍升潛力成為Tesla 2.0的電動車股

分享給你的朋友

美股表現近年持續強勁,不知如何入手?我們精選了10隻高增長美股,並撰寫了《不應錯過的10隻高增長美股》免費報告。立即按此下載!

想提早退休? 想提高每月的被動收入?

我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣,請立即按此免費下載!

本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)

About MPF醫務室 76 Articles
MPF醫務室專為大家拆解強積金(MPF)相關的奇難雜症。 Youtube: https://www.youtube.com/channel/UCtWpdex-OPP2lIDTEm-n0rA/featured