【MPF實戰倉】港女MPF實戰變身百萬大戶?

Hailey:唔知你哋會唔會久唔久轉下啲基金呢,又會睇乜原因轉㗎?我都係整合個時,朋友/agent叫我轉乜我就轉,其實我真係唔係好識,要轉乜同埋幾時轉,仲有係唔係真係需要轉架?

Kat:轉基金呢樣嘢,我覺得好重要㗎,我就會睇吓近期新聞,評論,有乜推介啦,但無論點轉,一啲出名嘅王牌基金,我就點都會長期持有啦。

Yoyo:轉乜鬼呀,我連有乜戶口都唔記得,你估我會唔會轉基金呢!我覺得轉基金呢啲野,唔係應該由基金經理負責嘅咩,佢收咗管理費收咗錢,咁梗係要做返啲嘢啦,我哋一般人,都唔識得分析邊個行業邊個國家會跑贏架啦,有啲人甚至連基金類別係乜都唔知,又點識應該轉乜嘢基金類別呢?俾咗錢基金經理,仲要自己理?真係唔知點解要畀佢地賺管理費囉

(Kat,點頭, 哦 哦 唔 唔):我都係覺得,強積金都係屬於自己嘅錢黎,雖然每個月係俾人直接由人工扣咗,但如果唔理,都唔係咁好嘅。

Kat: 我都覺得係呀,真係要理下睇吓,但我成日又驚,會唔會轉來轉去反而轉得衰咗呢?仲有呀,你剛才話係整合過幾個戶口,現在剩返2個。你點決定揀乜戶口來整合?

Hailey: 我有睇過MPF醫務室既channel,佢哋有講過現在有乜供應商,我先知原來有咁多供應商。但整合方面,我其實都係聽朋友講,朋友介紹啲agent,幫手整合。我都係睇網上資料或者朋友介紹邊間好就轉過去。但其實都會有問題㗎,因為一般你係見嗰隻基金近排表現得好好好吸引,你先會考慮轉計劃將啲舊既供款轉過去,但過幾年,嗰隻基金係咪都仲係表現咁好,可能市場環境轉左,咁嘅話咁又要再轉過。

(醫務室:所以你注意基金計劃,做整合時,要整個計劃黎睇,除咗一兩隻表現特別出色嘅基金之外,都要考慮埋如果市場投資風氣轉左,佢仲有冇另外一啲基金可以俾你轉落去,計劃嘅投資選項夠唔夠分散。因為你而家見到一隻基金表現好,已轉入去,咁到嗰隻基金唔在表面好,或者市場狀況改變左嘅時候,你會點做呢?你會再轉有其他計劃,定係喺同一個計劃內搵另外一隻基金去買呢)

Kat:我其實都有試過做整合㗎,但係就發覺整合左一次之後就通常會懶咗,過咗一排又冇理佢,或者升市嘅時候就好緊張咁落去搵啲升得好好嘅計劃度,但係一跌嘅時候就唔想理佢,所以最尾就變咗持有左一啲計劃,又冇乜點理。我朋友同我講MPFA網站都有好多資料,而且好多財經網站,都睇到強積金嘅回報。其實有心睇都會睇到好多資料㗎,我朋友仲話有一啲供應商仲會安排一啲講座俾你聽,不過我就冇去過啦。你哋會唔會想去聽吓?

Yoyo:都係唔好嘥我時間啦,直接落盤買美股,港股,快快走返轉,直接袋錢落袋好過。

Hailey: 講返今次我哋參加呢個港女mpf實戰倉,我都冇乜準備,我只不過將個強積金戶口show出來,當然唔會比你哋睇到幾錢啦。

Kay: 今次參加呢個實戰倉我都對自己有信心,港女實戰,贏左先講。我有信心我最後會贏㗎,百萬大戶不是夢。

Yoyo:我都會俾大家睇我揀左啲乜嘅,大家又留意下喇

想知我哋跟住落嚟投資會係點,記住留意我哋喇,未subscribe嘅朋友仔記得subscribe我哋,三個月後見,byebye

我搵左好耐,宜家先知道匯豐戶口原來買咗恆指基金,宏利方面,我就乜都有啲,進取嘅又有股票基金又有,混合基金又有,環球債券又有,盡量乜都有啲盡量分散。當然有佢最獨特嘅康健護理基金。

Kay: 我仲揀咗佢入邊最出名嘅香港股票基金,我仲揀咗入邊嘅進取基金,入邊除咗股票之外仲有債券,不過大部份都以股票為主為主,另外我仲揀咗行業基金,係屬於環球股票類。

Yoyo: 我都會揀一啲混合類別, 股票比較多嘅基金,如例牌一定會揀大中華,美國、歐洲、亞洲等等嘅股票基金。

Hailey:

宏利:增長基金:20%

進取基金:10%

康健護理:10%

國際債券:60%

匯豐:恆指基金:60%

中港基金:40%

Kay:

永明:

港股基金:40%

增長基金:25%

行業基金:35%

Yoyo:

AIA

北美股票基金:40%

大中華股票基金30%

歐洲股票基金:10%

亞洲股票基金:10%

增長組合:10%

聽完佢地三個的分享之後,大家又捉唔捉到佢地,有邊度D概念係錯的呢。

首先,Hailey話,聽朋友講近排邊個計劃、邊隻基金好就轉過去。但大家要注意揀基金計劃做整合時,要整個計劃黎睇,除咗一兩隻表現特別出色嘅基金之外,都要考慮埋如果市場投資風氣轉換,佢仲有冇另外一啲基金可以俾你轉落去,計劃嘅投資選項夠唔夠分散。因為你而家見到一隻基金表現好,已轉入去,咁到嗰隻基金唔再表現好,或者市場狀況改變左嘅時候,你會點做呢?你會再轉去其他計劃,定係喺同一個計劃內搵另外一隻基金去買呢?

講左咁多,你地又估下,佢地三位港女,三個月後邊個的倉會跑贏呢? 我地三個月後再同大家跟進,三個月後見,byebye

分享給你的朋友

美股表現近年持續強勁,不知如何入手?我們精選了10隻高增長美股,並撰寫了《不應錯過的10隻高增長美股》免費報告。立即按此下載!

想提早退休? 想提高每月的被動收入?

我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣,請立即按此免費下載!

本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)

About MPF醫務室 27 Articles
MPF醫務室專為大家拆解強積金(MPF)相關的奇難雜症。 Youtube: https://www.youtube.com/channel/UCtWpdex-OPP2lIDTEm-n0rA/featured