【MPF點指兵兵】宏利歐洲靜雞雞發財

 

大家一講起宏利,就一定會講佢既康健護理基金,或者佢既大中華──中華威力基金。

但今日想同大家講既係歐洲股票基金。可能有留意下金融既朋友都會覺得奇怪,歐洲股票的表現不是已經積弱多年嗎?蝕錢的基金都要講?

其他公司的歐洲基金可能蝕錢,但宏利的歐洲股票基金在市場不利的大環境下都能夠賺錢,這。才。是。功力!

表現亮麗,拋離同儕

宏利既歐洲股票基金就好似瓦礫中既鑽石,當其他歐洲都大幅下跌時, 或當其他對手都微跌或微升時,佢已經上升超過20%。

強積金平台上,一共有11隻歐洲股票基金,匯豐恆生各有2隻,其他就係東亞、中銀保誠、AIA、宏利、mass、bct、 AMTD。2020年全年表現,最差的AMTD下跌約6%,表現最好的是宏利,上升22%,大幅拋離表現第2好,上升5%的bea。最好同最差的差距多於28%。

宏利既歐洲股票基金表現出就算在整體表現不大出色既市場內,好的基金都能為投資者帶來好表現。

宏利歐洲的累計回報有幾勁? 我地睇番1年、3年、5年、10年的累計回報,分別係22.23%、33.93%、58.76%、85.93%。每個年期既回報都冠絕同類別。

在強積金平台上,歐洲股票基金這個類別一直不是特別受歡迎的類別,宏利歐洲在類別中排名唔差,但如果逐年來講,一般而言無基金可以年年排第一,宏利歐洲亦唔例外。

若按每年表現排名計,宏利歐洲排過多年榜首,亦曾排在中段或未段。宏利隻歐洲基金由2000年MPF成立時已經係度,太遠既歷史唔講,到咗2007-2010年間,宏利歐洲係同類別中有三年表現都是排名第1。之後幾年有好有差,在類別中浮沉。到咗2019、2020年,又再上番第一。 所以,宏利歐洲大幅拋離同類別其他對手主要是靠2019年和2020年的發力。宏利歐洲為何表現會優於對手?這和它的組合倉位有關。

倉位集中,重錘出擊

一般強積金因為有最低持倉的限制,在一般情況下,股票佔比不可少於70%。所以基金經理在沒有特別投資意見時都會買入和指數相近的股票比重和成份,而出來的表現則和指數相約。但在宏利歐洲股票基金就見唔到這樣,佢既持倉完全係主動式管理,按基金經理的投資意願,高度集中,重錘出擊。

網上宏利強積金既季報顯示,歐洲股票基金的10大持倉,當中我們見到持倉偏重科技類,同時都偏重地區如丹麥、瑞士、瑞典等,英國比重則大幅低於指數。

想睇清返基金經理既諗法,我哋就將佢既倉位同指數對比一下。

1.高度集中

強積金既歐洲股票市場覆蓋範圍甚大,包括多過10個國家,指數由成400、500隻股票組成。所以指數既頭10大持倉,只佔指數約20%左右。但宏利的歐洲基金,頭10大持倉已佔近50%,可見佢高度集中。

2.科技股比重

今年疫情致使科技股表現優異,宏利歐洲基金在年初已重磅科技。參考指數中既科技約佔7%左右,但睇返宏利持倉,第一大持倉就有7%,買入一隻科技股,一間荷蘭上市既出名的半導體製造商ASML。第2位持倉SAP都係科技類,一間德國上市既軟件公司。10大持股中仲有其他科技股,可見基金經理重錘在科技。

3.英國佔比大幅減少

英國經濟雖然一直沒有大起色,長升長有既英國股票真係不多,但英國股市在歐洲指數中佔比雖然不斷減少,但仍佔一定比重。參考指數中既英國股票佔比高於20%。宏利既歐洲基金經理見英股難搵高增長,所以基金中既英國股票佔比就只得6%左右。

4.偏重北歐和瑞士

因為獨特既環境同原因,對比起西歐地區如德國、法國的股市來說,北歐和瑞士等地既股市相對平穩,而且多年來穩步上揚,但指數中北歐和瑞士佔比一直不大。宏利基金中這些國家比重相比指數大好多,丹麥、瑞典、瑞士3國是國家佔比中既第2、3、4位。

以上講左幾點宏利歐洲股票基金近年跑贏同類既原因。要知道,在投資世界中,行業有強弱輪轉,風格有轉移,唔會話有一個方法可以永遠贏既。11月頭時,新舊經濟股強弱替換,宏利歐洲都有短期落後。現在歐洲股市前景仲未明朗,但總有一日會適合投資,投資者要衡量風險,尋找適合你自己嘅組合。

分享給你的朋友

美股表現近年持續強勁,不知如何入手?我們精選了10隻高增長美股,並撰寫了《不應錯過的10隻高增長美股》免費報告。立即按此下載!

想提早退休? 想提高每月的被動收入?

我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣,請立即按此免費下載!

本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)

About MPF醫務室 33 Articles
MPF醫務室專為大家拆解強積金(MPF)相關的奇難雜症。 Youtube: https://www.youtube.com/channel/UCtWpdex-OPP2lIDTEm-n0rA/featured