【MPF供應商篇】永明港股基金係唔係差咗?

係mpf基金平台入面,最受香港人歡迎既基金類別一定係香港股票類別。數據顯示,港股基金(主動形+被動形)共有近17%,受歡迎程度遠遠多於第2位既大中華股票類別既近6%。

在眾多強積金計劃中,有一個計劃就係靠港股基金作為王牌基金來推銷,佢就係永明既彩虹計劃。

彩虹計劃入面既港股基金由強積金一開始推出時已經有,一開始表現都唔錯。該隻港股基金係重組前一直係獨家一對一買入首域既港股基金,管理該隻港股基金嘅首域基金經理,不但有著神級的表現,更獲得長勝將軍的稱號。

2009年開始既後金融海嘯期間,永明港股基金表現更加突出到拋離其他對手幾條街咁遠。2010年果幾年,永明一直都獨領風騷,亦都奠定咗永明港股基金係強積金界別內王牌中既王牌嘅地位。

近年坊間愈來愈多人講,永明既港股基金係咪差左好多?如果差左,又關唔關永明事?定係有神級表現既長勝將軍是否由天上跌落凡間?我哋就同大家探討一下。

1)永明輝煌的時期

一般嘅宣傳單張會睇10年或以上年期表現,我哋就由長啲嘅表現開始睇起啦。

(圖一)

強積金係2000年底成立時,基金數目唔係咁多,所以我哋揀由2002年開始比較,當時仲未成立既基金就唔係今次既討論。大家從圖中可以見到,由2002年到今年2020年,各基金表現其實分左3堆,頭個堆只有永明彩虹計劃同海通,中間果堆有2隻,但分別係schroders mpf同永明basic,即之前既FWD計劃,這2隻實際投資落同一隻schroders港股基金。係咁長時間來講,永明港股基金同海通港股基金表現雖然差唔多,但海通既港股基金上落波幅大好多,升又升得多過同類,跌又跌得多,性價比(用番投資術語就係risk adjusted return) 就一定差過永明既港股基金。膽小d既投資者一定畀佢嚇死。

至於海通港股基金係咪一隻好嘅港股基金呢,佢嘅投資又買咗啲咩呢,遲d再同大家講,今日既重點係永明的港股基金,大家想知道一定要先subscribe咗我哋既channel,留意住我哋喇。

大家係圖中可以見到,永明港股真正拋離其他對手,步入神級領域係由2009年開始。08年既金融海嘯過後,大市係09年開始谷底反彈,永明基金反彈幅度比其他對手多,同組別平均升幅大約60%,永明升了近75%!2010年升勢持續,永明也都繼續拋離其他對手,2010年同組平均升差不多10%,永明升多一倍有多,升了25%!

圖中大家可以睇到2007年係一個高位,如果唔好彩,係07年買入左咁現在會點呢?我哋就再考慮下如果由07年開始,再畫多個圖作比較。

(圖二)

由2007年開始,基金既數目都多左好多,增加到18隻。

圖二見到永明港股基金一枝獨秀咁跑出,而排第二位既海通就繼續維持它的特色:大升大跌,升又升得多過同類,跌又跌得多。但我哋見到永明彩虹港股跑贏同行很多,正如之前講過,它主要發力跑贏的時間在09年至11年。由2010/11年開始佢就獨自一個領先。因為09-11年佢領先太多,所以就算近年表現無咁好,係圖都唔能夠清楚睇到。咁樣我哋要再拉近啲睇近年表現比較。

2)永明由神級下凡

(圖三)

圖三比較既時段由2016年開始到2020年8月,係依段時期,mpf市場加入左好多恒生指數既etf,因為我哋想比較唔同既主動形既港股基金,所以恒指etf就唔一齊比較了。

圖三中我哋好明顯見到永明彩虹,雖然仲算名列前茅,但再唔係神級咁一枝獨秀。再補充啲資料,在不同計劃中,包括主動同被動管理嘅基金共有40隻,永明今年1-8月排18,去年排7名,前年2018年排15名。

數據顯示近年永明港股基金表現都比平均數、中位數都要好,但表現出來的是一般高於水平的表現,而再沒有之前那種驚天的能耐。

總結幾張圖我哋見到彩虹最發力,最拋離其他對手既時期大約係10年前,就係2009至2011年期間,大幅度拋離其他同類別既基金。在這段時期之後,佢既表現可以歸納做中上。係因為早前贏左幾條街,就算之後表現維持中上,但拉長年期來睇回報的話,永明都會遠遠好過其他對手。但如果只睇最近幾年,即係2016年到而家,佢只係一個優於一般的高手,而再唔係神級。

3)神級不再論因由(改下有無另一標題,出文時用,拍片無標題)

點解永明既彩虹計劃內既港股基金近幾年差咗?係因為底下嘅神級基金經理跌左落凡間?定係永明影響咗神級嘅基金呢?

網上嘅資料可以見到,喺2016年前既永明強積金內的港股基金名稱上也有首域字頭,即永明港股是直接全數投資在首域的港股基金入面。而喺2016年5月之後,永明搵返自己做咗彩虹計劃嘅基金經理,佢隻港股基金就唔再有首域既字眼係個名。( SL restructure 圖1)即係由果時開始,永明彩虹計劃內既港股基金唔再係全數買入首域既港股基金。而且首域係近2年已經改左名叫首源了

咁首源港股基金本身表現成點?我哋可以由數據平台取得first state mpf hong kong equity 過去的表現,把這個表現和永明彩虹港股基金比較一下,就會發現,在2017年前,永明的表現每年一直比首源港股基金的回報低1%到2%(圖4)。這個回報分別可以解釋是因為永明的基金費用。但在2017年開始,永明既港股基金比首域既港股基金既回報低左大於6%,2018年又低4%,2019年又低3%。2017-2019年連續3年永明港股基金既表現都差過首源,總共差左10幾%。這應該同永明港股基金的基金管理方法有關。如果這3年永明港股係全數買入首源港股既話,扣埋管理費後,表現會畀依家好好多,起碼可排到前列高手位置。

衰左幾年,永明既基金管理終於交到貨,在2020年頭8個月,永明港股的表現終於優於首源既港股基金。

如果睇近期19年至20年8月,首域港股基金既表現就差d了,manulife, schroder, allianz,bct,海通,bea,都好過扣mpf fee 前既首源。

但又講返,不講神級是否仲係神,定係已經做返人,我哋買mpf,又無直接首源港股基金可以揀。

新舊兵器在手能否再創高峰?

永明在數年前和schroders達成合作協議,schroders mpf都歸到永明旗下。

在以上數個時段的回報比較中我哋可以見到,Schroders港股基金一直表現都不錯,Schroders 在去年和今年首8個月更是表現最好的港股基金。

永明其實可以多d借助Schroders的港股基金力量來發揮。舊有首域長勝港股基金,新有Schroders港股新冠軍。永明新舊最強兵器都係手,最後打出來乜野成績表現,就睇佢哋自己fof(fund of fund)嘅功力了。

分享給你的朋友

想提早退休? 想提高每月的被動收入? 有沒有回穩陣的收息股?

數以百萬計的投資者正運用股息為自己和家人創造持續現金流收入,累積財富。

您想成為其中的一份子嗎?

我們撰寫的《必須收藏的收息股投資指南》電子書就會分享獨特的收息股選股模型,並用實例教您挑選出真正可長期持續派息的收息股及揭示必要避開的收息「陷阱」。

要知道更多打造穩健收息投資組合的竅訣,請立即按此免費下載!

本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)

About MPF醫務室 76 Articles
MPF醫務室專為大家拆解強積金(MPF)相關的奇難雜症。 Youtube: https://www.youtube.com/channel/UCtWpdex-OPP2lIDTEm-n0rA/featured