國泰港龍不申請保就業計劃 裁員真可當好消息炒?

國泰港龍不申保就業計劃,國泰亦表明「重組規模」,暗示裁員。睇返截至6月底的半年業績,國泰港龍的員工成本只佔23%,按年已大減18%。有時裁員控制成本會被視為好消息,但近日內地航空股營運已見好轉,股價亦跟住起飛。呢頭國泰就準備大裁員。
無得飛要裁員本來無可口非,好多航空公司已手起刀落,但人哋一早郁手止血,到明年希望強勢回歸,國泰卻係依家先話準備裁員(當然明嘅要申請之前嘅保就業擺錢嘛)。再者,裁員喺有成本,已捱咗咁耐到年底可能慢慢復甦先裁員,到需求加強又要請返人,喺唔喺有效控制成本好難講。(國泰夠膽咁做當然因為香港只得國泰獨大,唔驚請唔返人。By the way, 國泰上半年燃油對冲虧損仍有16億元。)
用上半年業績計一計數,即使員工減支減一半達43億元,營運虧損仍會超過44億元。國泰6月底已復飛,如貨運收入追不上成本,下半年都不要有期望。到之後裁咗員,即使需求返嚟,又寄望唔到強勁復甦,所以買國泰要諗清楚。仲有油價跌,燃油虧損可能擴大呢項變數。
分享給你的朋友
About Moneyclub Staff 367 Articles
MoneyClub (www.hkmoneyclub.com)是一個率先洞悉投資、財富管理的創富及投資者教育互動平台。 我們專注於美股、港股及退休理財。