豐盛集團可能違約呢件事，唔可以當獨立事件睇，因為唔少企業接連違約，反映企債違約潮未完，借錢仍然困難。另外，政府要大發專項債，會從市場吸引資金，私營企業借錢就更困難。依家要大谷基建刺激經濟談何容易？內地經濟體量已非2008年時可比。
美國要救市，就放水谷高股市，利用財富效應及壓低借貸成本。而一講到借錢又返去老問題，假如你係銀行，你會借錢畀國企定民企？國企太多錢做埋放數，民企經常借錢困難，死局從來未解。
過完聖誕大家好開心，不要忘記農曆新年前一向係水緊高危期，頂完結算後，可以隨時嚟料玩新方向，唔再頂住。星期四枝陰燭都幾明顯，再穿25313就係一浪低於一浪，隨時沿下降軌行破埋底都仲得。唔好掉以輕心。
思源本想做long put但引伸太高做唔落手，又做返少少騰訊(700)期貨沽倉。平保(2318)走勢差，較壞情況有機會見5字都唔奇，但思源會想買。到時或先入一注，同做short put。
全球數以百萬計的投資者正運用股息為自己和家人創造持續現金流收入，累積財富。您想成為一份子？在我們撰寫的《必須收藏的收息股投資指南》電子書就會分享獨特的收息股選股模型，並用實例教您挑選出真正可長期持續派息的收息股及揭示必要避開的收息「陷阱」。要知道更多打造穩健收息投資組合的竅訣，請立即按此免費下載！
本文所提供的信息僅供一般參考之用，並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)